} });
 

 

WAVUVI Jijini Tanga wamehaidiwa kupatiwa neema ya kusaidiwa kupata dhana za kisasa ikiwemo kuimarisha umoja wao ili waweze kupata mafanikio makubwa kupitia sekta hiyo.

Hayo yalibainishwa na Mgombea Ubunge wa Jimbo la Tanga (CCM) Ummy Mwalimu wakati wa mkutano wake wa kampeni Kata ya Tangasisi Jijini Tanga.

Alisema kwamba ataimarisha umoja huo ili wavuvi waweze kuvua kisasa hatua ambayo itawasaidia kuweza kupata samaki na kuweza kujikwamua kiuchumi wao na jamii zao na hatimaye kukuza kipato chao

“Ndugu zangu wavuvi nitahakikisha mnapata dhana za kisasa lakini pia kuimarisha umoja wenu katika kata ya Tanga sisi na Jiji lote la Tanga muweze kupata mikopo isiyo na riba na kununua vifaa vya uvuvi vya kisasa”Alisema

Akizungumzia suala la fidia ya barabara Kata ya Tangasisi hadi Mwahako alisema tayari alikwisha kuongea na Meneja wa Wakala wa Barabara Mkoa wa Tanga (Tanroad) na tathimini inaendelea ikikamilika watu wote ambao wapo barabarani watapata malipo.

“Ndugu zangu ninatambua hapa Tanga sisi hadi Mwahako kuna suala la fidia ya Barabara suala hili tayari nimekwisha kuzungumza na Meneja wa Tanroad Mkoa wa Tanga tayati tathimini inaendelea ikikamilika watu wote mliopo barabarani mtapata malipo yenu”Alisema  

Hivyo aliwaomba wamchague kwa sababu ya uchungu alionao wa kuionga Tanga iweze kusonga mbele huku akiwataka wampe kuwa nyingi za ndio kwa sababu amedhamiria kuibadilisha Tanga.

Awali akizungumza katika mkutano hyo Katibu wa UWT Mkoa wa Tanga Sophia Nkupe aliwaomba wapiga kura kumchagua mgombea ubunge wa Jimbo  la Tanga Ummy Mwalimu kwa sababu amelelewa na jumuiya hiyo.

“Lakini pia Ummy Mwalimu ni tunu kubwa tulioipata na kiongozi jasiri mwenye mafanikio hivyo wananchi hatupaswi kufanya makosa kwa kuipoteza”Alisema

“Ndugu zangu Ummy Mwalimu ni tunu kubwa tuliopata hivyo wananchi na wana Tanga hatupaswi kufanya makosa wakati wa uchaguzi mkuu tumpeni kura nyingi za ndio aweze kuilipatisha Jiji letu kutokana na mipango mizuri aliyonayo “Alisema

Katibu huyo aliwaomba wananchi hao kuhakikisha wana mpa kura za kishindo Rais Dkt John Magufuli ,Ummy Mwalimu na Diwani ili waweze kuchochea kasi ya ukuaji wa maendeleo kwao


soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker

Post a Comment

 
Top