} });
 

 

Rais wa Jamhuri ya Malawi, Mheshimiwa Dkt. Lazarus McCarthy Chakwera anatarajiwa kufanya ziara ya kitaifa ya siku tatu hapa nchini kuanzia tarehe 7 hadi 9 Oktoba 2020 kwa mwaliko wa Rais wa Jamhuri ya Muungano wa Tanzania, Mheshimiwa Dkt. John Pombe Joseph Magufuli. 

Mhe. Rais Chakwera atawasili kwenye Uwanja wa Ndege wa Kimataifa wa Julius Nyerere jijini Dar es Salaam tarehe 7 Oktoba 2020 na kupokelewa na mwenyeji wake Mhe. Rais Magufuli.

Hii ni ziara rasmi ya Kitaifa  ya kwanza kwa Mhe. Rais Dkt. Chakwera tangu aingie madarakani mwezi Juni, 2020 yenye lengo la kuimarisha uhusiano na ushirikiano kati ya nchi hizi mbili na kuendelea kudumisha ujirani mwema.

Rais Chakwera atatembelea Bandari ya Dar es Salaam ili kujionea shughuli mbalimbali za bandari hiyo na uboreshaji wa miundombinu ya bandari ambayo itaharakisha utoaji wa mizigo bandarini na kuwezesha upatikanaji wa huduma bora bandarini hapo lakini pia atatembelea kituo cha kuhifadhia mizigo cha Malawi ambacho kimekuwa alama muhimu ya ushirikiano kati ya Tanzania na Malawi.

Mhe. Rais. Dkt. Chakwera akiwa na mwenyeji wake, Mhe. Rais Dkt. John Pombe Joseph Magufuli, wataweka jiwe la msingi katika Kituo cha Mabasi ya kwenda mkoani cha Mbezi Mwisho.  Uhusiano kati ya Tanzania na Malawi ni mzuri na unaendelea kuimarika siku hadi siku.  

soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker

Post a Comment

 
Top