} });
 


Kwa mara ya kwanza baada ya ukimya wa muda mrefu bila kuonekana kwenye shughuli za sanaa, msanii maarufu wa Injili hapa nchini Tanzania Rose Muhando ameibukia kwenye mkutano wa kampeni za mgombea Urais kwa tiketi ya CCM, Dkt  John Pombe Magufuli.

Mkutano huo wa hadhara umefanyika Vwawa Mjini katika Wilaya ya Mbozi Mkoani Songwe, ambapo Dkt Magufuli alimpatia zawadi ya kofia kama alivyowafanyia wasanii wengine kama Alikiba, Harmonize, Kala Jeremiah, Linex na wengineo.

"Asante Mungu wangu wa mbinguni, asante Mh Rais wa Jamhuri ya Muungano wa Tanzania JPM" ameandika Rose Muhando 

Kimuonekano na nguvu ambayo aliionesha wakati anaimba kwenye jukwaa imewatoa hofu mashabiki zake ambao walidhani kama bado Rose Muhando anasumbuliwa na matatizo ya kiafya.

Ikumbukwe tu kipindi cha nyuma Rose Muhando alikuwa ana matatizo ya kiafya ambayo yalisababisha watu kuongea mengi kuhusu yeye hadi kufikia hatua ya kwenda kuombewa kwa wachungaji wa Kenya pia kuna muda alionekana akipatiwa maombi kwenye Kanisa la Mlima wa moto chini ya marehemu Bi Gertrude  Rwakatare.


soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker

Post a Comment

 
Top