WFP TANZANIA YAPATA MWAKILISHI MPYA

Shirika la Umoja wa Mataifa la Mpango wa Chakula Duniani (WFP) nchini Tanzania limempokea mwakilishi wake mpya, Sarah Gordon-Gibson. 

Mwakilishi huyo aliwasilisha nyaraka za utambulisho kwa Waziri wa Mambo ya Nje na Ushirikiano wa Afrika Mashariki, Profesa Palamagamba Kabudi jana Jumatano Oktoba 21, 2020.

Gordon-Gibson anachukua nafasi na mtangulizi wake, Michael Dunford aliyeondoka Tanzania Julai, 2020 baada ya kumaliza muda wake.

Taarifa iliyotolewa na WFP jana ilisema Gordon-Gibson aliyekuwa naibu mwakilishi wa nchi za Tanzania, Myanmar na Niger amefurahia kurudishwa Tanzania akisema ni nchi iliyopiga hatua katika maendeleo.

“Tunaendelea kudhamiria kushirikiana na Serikali ya Tanzania katika kukabiliana na changamoto zake za kitaifa hususan mazingira, tabia ya nchi, skimu za kinga ya jamii, uzalishaji katika kilimo na mifumo ya chakula, mlo kamili na lishe bora na pia usawa na uwezeshaji wanawake,” alieleza.

Kwa mujibu wa taarifa hiyo, Gordon-Gibson, ambaye ni mwanasheria kitaaluma amefanya kazi na WFP kwa zaidi ya miaka 20.

soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker