} });
 


Mwanamuzi wa bongofreva Godfrey Tumaini maarufu Kama (Dudubaya) amefikishwa katika Mahakama ya Wilaya Kinondoni akikabiliwa na shtaka la lugha chafu mtandaoni.

Dudubaya (41) Mkazi wa Mbezi alipandishwa kizimbani Mahakamani hapo na kusomewa hati ya Mashtaka na Wakili wa Serikali Hilda Katto mbele ya Hakimu Mkazi Ester Mwakalinga.

Wakili amedai kuwa mshtakiwa alitenda kosa hilo Agosti 11, mwaka 2020 akiwa nchini Tanzania .

Aliendelea kudai, mshtakiwa Dudubaya aliandika lugha ya matusi kwa Joseph Kusaga katika mtandao wa kijamii wa Instagram na kuisambaza.

Mbali na hapo mshtakiwa alikana kutenda, kwa upande wa Jamhuri Wakili amedai upelelezi umekamilika na kuiomba Mahakama kupanga tarehe kwa ajili ya kusikilizwa.

Kutokana na shauri kudhaminika , Hakimu Mwakalinga alimpangia mshitakiwa masharti ya dhamana ambapo alitakiwa kuwa na wadhamini wawili watakaokidhi vigezo vya Mahakama sambamba na kutia saini bondi ya sh. milioni 2.

Dudubaya yupo nje kwa dhamana baada ya kutimiza masharti na kesi itasikilizwa Januari 28, 2021.

soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker

Post a Comment

 
Top