JAFO AELEZA SABABU KITUO CHA MABASI MBEZI KUITWA MAGUFULI

Waziri wa Nchi Ofisi ya Rais Tamisemi, Selemani Jafo amesema alitamani stendi ya mabasi ya Mbezi iitwe Magufuli, jina ya Rais wa Tanzania, John Magufuli licha ya kuwa hakumueleza wazo lake hilo.

 

Mbunge huyo wa Kisarawe ameeleza hayo leo Jumatano Februari 24, 2020 mbele ya Rais Magufuli aliyekuwa akizindua kituo kikuu cha mabasi cha Mbezi ambacho sasa kinaitwa kituo cha mabasi cha Magufuli.

 

“Stendi hii hukuomba mkopo kokote, ni maelekezo yako kati  ya Sh360 bilioni zilizoelekezwa katika miradi mikakati. Kati ya fedha hizo Sh186 bilioni ulizielekeza katika ujenzi wa stendi 18 za kisasa ndani ya Tanzania, haijawahi kutokea. Ndio maana mheshimiwa Rais mimi leo nikuombe radhi kwa jambo moja lakini nafahamu viongozi wa dini wameshapiga dua zao zimekaa vizuri.”

 

“Ulipokuja kufungua kile kibao, umekutana na stendi ya mabasi ya Magufuli. Nikasema haiwezekani hata kidogo uwekezaji mkubwa kama huu ambao watu kutoka nchi mbalimbali wakija hapa watashangaa. Nilitamani jina lako libaki hapa Dar es Salaam kwa stendi hii.”

 

“Ndio maana mheshimiwa Rais nilikuwa naomba Mungu wakati kibao kile kinafunuliwa maana kilifunikwa, nilivyoona kimeandikwa stendi ya mabasi Magufuli nikasema basi Mungu nisitiri  sikukuomba,” amesema Jafo.

soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker