} });
 


Rais wa Tanzania, John Magufuli amemkabidhi eneo la hekta 52 mbunge wa Kibamba (CCM), Issa Mtemvu na kumtaka  kuliendeleza kwa ajili ya wakazi wa jimbo la Kibamba na Ubungo.

 

Kiongozi mkuu huyo wa nchi ameeleza hayo leo Jumatano Februari 24, 2021 katika uzinduzi wa kituo kikuu cha mabasi cha Magufuli Dar es Salaam.

 

“Ninaagiza ndani ya siku tatu Wizara ya Kilimo itoe hati, leo Jumatano kabla ya wiki haijaisha Ijumaa wawe wamekabidhiwa, mbunge na watu wake wakabidhiwe wakaisimamie , ila mkaiendeleze kwa faida ya wananchi wanyonge wa eneo la Kibamba,” amesema Rais Magufuli.

 

Akizungumza awali Rais Magufuli alimmwagia sifa mbunge huyo kwa kuonyesha unyenyekevu.

 

“Nilikuwa namsikiliza mbunge Mtemvu alivyokuwa akijaribu kujieleza hapa tuliwakosa muda mrefu wabunge wa aina yake na saa zingine tuwe tunajilaumu kwa kukosea kuchagua alipokuwa akiomba pale akinyenyekea mimi nimeguswa sana.”

 

“Nakupatia hekta 52 bure ukaziendeleze kwa ajili ya wananchi hawa nikitoka sijakupa nitatoka na uchungu umenifurahisha sana, hongera sana Mtemvu na wananchi wa Kibamba kwa kufanya mabadiliko makubwa,” amesema Rais.

 

Amesema alishangazwa mbunge huyo alipoomba kwa unyenyekevu kujengewa barabara za kiwango cha lami na kumwagiza mtendaji mkuu wa Wakala wa Barabara nchini (Tanroads),  Patrick Mfugale kuambatana na Mtemvu kuona ni barabara ipi wataanza nayo.

 

“Mfugale kapite na mbunge uniletee mapendekezo kujua akajenge barabara ipi katika jimbo la kibamba na Ubungo , yaani nafurahi sana jamani Dar es Salaam mmenifurahisha ukigeuka huku Mtemvu huku Chaurembo, unapokuwa kiongozi lazima upate watu wanaowakilisha watu usipopata connection hii mambo hayaendi ni viongozi wanaojituma .” amesema.

soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker

Post a Comment

 
Top