} });
 


Rais wa Tanzania, John Magufuli ametaka wafanyabiashara wadogo maarufu wamachinga kuruhusiwa kufanya biashara katika kituo cha mabasi cha Mbezi.

 

Kituo hicho ambacho sasa kinaitwa kituo cha Magufuli kimezinduliwa leo Jumatano Februari 24, 2021 na kiongozi mkuu huyo wa nchi.

 

Amesema wakati stendi hiyo ikitarajia kupokea mabasi 3,000, abiria watahitaji huduma na si wote wataingia katika kituo hicho, hivyo wamachinga watakaouza vyakula wanaruhusiwa wakiwemo mama lishe  kwani Serikali ya sasa inajali wananchi.

 

“Vitu vilivyomo hapa havitamsaidia mmachinga hataingia mle, sasa nitoe wito kwako waziri na mkurugenzi mmenipa jina nalikubali kwa ajili ya kuwatetea hawa watu, nataka niwe balozi wao, nataka itakavyoanza hawa wamachinga wasifukuzwe kwa sababu ni kwao, mkiandika jina Magufuli stendi halafu wamachinga wakawa wananyanyaswa hapa sihitaji hilo.”

 

“Nikueleze Waziri (Selemani Jafo- Tamisemi) inawezekana umejichongea kwa kuiita hii stendi jina la Magufuli, nataka yafanyike haya ambayo Magufuli ninataka yafanyike. Wananchi waruhusiwe mpanue maeneo,” amesema.

soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker

Post a Comment

 
Top