MUFTI WA TANZANIA AWATAKA WANANCHI KUTOKUWA NA HOFU

 

Mufti wa Tanzania, Sheikh Abubakary Zubeir  amewaomba Watanzania kuondoa hofu na kumuomba Mungu  wakati wote katika kipindi hiki ambacho mataifa mbalimbali duniani yanakabiliwa na ugonjwa wa Covid-19 unaosababishwa na virusi vya corona.

 

Ameeleza hayo leo Jumanne Machi 2, 2021 katika mkutano wake na waandishi wa habari.

 

Amewataka wananchi kumuomba Mungu awaondolee hofu aliyodai kuwa inadhoofisha nguvu za mwili ambayo ikipungua mtu husika anaweza kupata magonjwa mbalimbali.

 

"Nawaomba watanzania katika kipindi hiki wamuombe Mungu na waondoe hofu, wasiwe chanzo cha kusababisha hofu kwa wengine ili kuweza kukabiliana na changamoto tunazopitia kwa sasa za magonjwa mbalimbali ikiwemo corona," amesema

 

Amewataka kufuatilia na kutekeleza taratibu zilizotolewa na Rais John Magufuli kupitia Wizara ya Afya za namna ya kujilinda na kujikinga na magonjwa yanayosambaa kwa njia ya hewa.

soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker