} });
 

 

Waziri wa Nishati, Dk Medard Kalemani amepiga marufuku Shirika la Umeme (Tanesco) kuuza nguzo za umeme kwa wananchi akisema tayari Serikali imeshazilipia.


Dk Kalemani ametoa agizo hilo jana Agosti 29 mkoani Njombe alipokuwa wa uzinduzi wa kiwanda cha kuzalisha na kutibu nguzo cha Qwihaya kilichopo kata ya Mtwango Halmashauri ya wilaya ya Njombe.


"Kila mkoa tayari tumeleta fedha kiasi cha Sh2.7 bilioni ambazo ni za nguzo sasa sitaki kusikia mnawatoza wananchi fedha kwa sababu serikali imegharamia," amesema Kalemani.


Amewataka wenye viwanda vya kuzalisha nguzo nchini kuzalisha na nguzo za zenge ili kukabiliana na maeneo korofi wakati huo nguzo za miti zikiendelea kuzalishwa kwakuwa bado zinahitajika.


Awali akizungumza katika uzinduzi huo, Mkurugenzi wa kampuni ya kuzalisha na kutibu nguzo za umeme Qwihaya, Leonard Mahenda ametangaza neema kwa shule za msingi, sekondari na zahanati za Wilaya ya Ludewa na Njombe kwa kulipia huduma ya kuunganishiwa umeme.


Amesema amekua akiiunga mkono Serikali katika kutatua changamoto ikiwa pamoja na kupatikana kwa nishati ya umeme wa uhakika.

 

"Waziri nikuahidi kwamba nitalipia umeme kwa shule za msingi na sekondari pamoja na zahanati za halmashauri ya wilaya ya Njombe. Pia nisimuache Kaimu Mkuu wa mkoa wa Njombe, Adrea Tsere ambaye ni mkuu wa wilaya ya Ludewa nako nitalipia shule za msingi na sekondari kuingizia umeme," amesema Mahenda.


Awali mwenyekiti wa halmashauri ya wilaya ya Njombe, Valentino Hongoli ambaye pia alimuwakilisha mbunge wa jimbo la Lupembe, Edwin Swale alimwambia Waziri Kalemani kuwa, licha ya huduma ya umeme kufika sehemu mbalimbali katika jimbo hilo lakini bado kuna shule na zahanati hazina umeme.

soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker

Post a Comment

 
Top