Divine Radio FM

AHUKUMIWA KUNYONGWA KWA KUMUUA MKEWE APATE UTAJIRI

<img alt="" data-original-height="652" data-original-width="1160" height="360" src="https://lh3.googleusercontent.com/-TQfjC7ETHK0/YXDfVc2woDI/AAAAAAAAOpc/LJTOZ92dxLoeAZhb-jftUBvR1SeAsd-tgCLcBGAsYHQ/w640-h360/image.png" width="640" /> Mahakama
ya Hakimu Mkazi Mbeya imemhukumu mkazi wa Kata Mjele, Wilaya ya Mbeya, Mateso
Wilson (34) kunyongwa hadi kufa baada ya kupatikana na hatia ya kumuua na
kunyofoa viungo vya mkewe.

Mateso
alidaiwa kumuua mkewe Zaina Mela na kunyofoa viungo vyake  yakiwemo maziwa na masikio.

Hakimu
Mkazi Mfawidhi, Zawadi Laizer ametoa hukumu jana Jumatano Oktoba 20, 2021 baada ya
mahakama kuridhika kuwa ushahidi wa upande wa Jamhuri haukuacha shaka yoyote.

Ilielezwa 
mahakamani hapo kuwa mnamo  April  22 , mwaka 2017  mshtakiwa
Wilson alishirikiana  kufanya mauaji hayo na wenzake wawili  kwa
lengo la kupeleka kwa mganga wa kienyeji ili wapate utajiri wa kudumu.<o:p></o:p>

Wenzake
walioshirikiana nao katika mauaji hayo hawajakatwa.

Hakimu
Laizer amesema   mahakama imezingatia  maelezo ya pande
mbili  na ushauri wazee wa mahakama kabla ya kufikia uamuzi huo.

Mshtakiwa
ambaye alikuwa akiwakilishwa na wakili wa kujitegemea, Hilda Mbele  aliiomba mahakama kumpunguzie adhabu.

Hata
hivyo, upande wa Jamhuri ukiongozwa na Wakili wa Serikali,  Davice Msanga
aliomba mahakama kutoa adhabu kali ili iwe fundisho kwa wengine.

Hakimu
Laizer ameeleza mahakama hiyo  kuwa mshtakiwa anahukumiwa kunyogwa hadi
kufa  ili iwe fundisho kwa watu wengine ambao wanatafuta mali kinyume cha
utaratibu.

Kisheria,
ni Mahakama Kuu pekee ndiyo yenye mamlaka ya kusikiliza na kuamua kesi za
mauaji. Hata hivyo Mahakama hiyo inamamlaka ya kutanua wigo wa mamlaka yake na
kuziruhusu Mahakama za chini kusikiliza kesi za aina hiyo pale kunapokuwa na
mahitaji.

AHUKUMIWA KUNYONGWA KWA KUMUUA MKEWE APATE UTAJIRI

Mahakama ya Hakimu Mkazi Mbeya imemhukumu mkazi wa Kata Mjele, Wilaya ya Mbeya, Mateso Wilson (34) kunyongwa hadi kufa baada ya kupatikana...

AHUKUMIWA KUNYONGWA KWA KUMUUA MKEWE APATE UTAJIRI

HABARI KUBWA KWENYE MAGAZETI YA LEO ALHAMISI TAREHE 21 OKTOBA, 2021