} });
 

Rais Samia Suluhu Hassan akizungumza kwenye maadhimisho ya Siku ya Sheria nchini yaliyofanyika kwenye viwanja vya Chinangali, jijini Dodoma leo.

Rais Samia Suluhu Hassan ameitaka mahakama kuzingatia sheria ili kutenda haki kwa watu wote bila kujali hali ya mtu kijamii na kiuchumi.

 

Rais Samia ameyasema hayo leo Jumatano Februari 2, 2022 wakati wa kilele cha maadhimisho siku ya sheria nchini yaliyofanyika katika viwanja vya Chinangali jijini Dodoma.

 

Amesema anatambua mageuzi yanayoendelea katika mahakama yameongeza uwazi na uwajibikaji kwa watendaji wa mhimili huo lakini bado yapo malalamiko kwa wananchi ya kucheleweshewa haki na wakati mwingine kunyimwa kabisa.

 

Mkuu huyo wa nchi amesema malalamiko hayo yako hususani kwenye mirathi na hasa kutoka kwa wanawake wajane na migogoro ya ardhi.

 

Aidha, Rais Samia ameitaka mahakama kutoa haki bila kufungwa na masharti ya kiufundi ambayo wananchi wengi hawafahamu na wanategemea mawakili ndio wawaongoze.

 

Pia ameitaka mahakama kutekeleza majukumu yake kwa kuangalia utu wa mtu kwa yule anayetoa hukumu na anayepewa.

 

“Utu wako unakutumaje uchukue fedha uminye haki ya mtu? Au umpe aliyetumia umahiri na vifungu kumyima haki mwenye haki,”amehoji Rais Samia.

soma habari kila siku kazi yetu ni kuhakikisha unapata unachotaka +255 769 305 957 #NURU YA KRISTO INAKUANGAZIA

Facebook Blogger Plugin by TeachMaker

Post a Comment

 
Top